6 arsye pse të ulim shikimin përballë gjërave të ndaluara?
- Është bindje ndaj urdhrit të Allahut, i cili i sjell lumturi njeriut. Nuk ka asgjë më të dobishme për një person në këtë botë dhe në tjetrën, sesa bindja ndaj urdhrave të Zotit të tij.
- Parandalon shigjetat e helmuara të shejtanit, të cilat mund të arrijnë në zemrën e tij.
- Krijon një zemër të përkushtuar dhe që është e përqendruar tek Allahu. Lejimi i shikimit të endet e shpërqendron zemrën dhe e mban atë larg Allahut. Nuk ka asgjë më të dëmshme për një person sesa të lërë shikimin e tij të endet, pasi krijon largësi midis një personi dhe Zotit të tij.
- Forcon zemrën dhe i sjell paqe, ashtu si të lësh shikimin të bredhë e dobëson dhe e trishton.
- Sjell dritë në zemër, ashtu si të lejosh shikimin të bredhë i sjell errësirë asaj. Prandaj Allahu përmendi Ajetin e dritës menjëherë pas urdhrit për të ulur shikimin, siç thotë Ai: “Thuaju besimtarëve të ulin shikimin (nga shikimi i gjërave të ndaluara) dhe të ruajnë nderin e tyre…” [Nur: 30-31]
- Gjeneron frymëzim të vërtetë i cili mund të bëjë dallimin midis së vërtetës dhe të kotës, sinqeritetit dhe gënjeshtrës. Allahu e shpërblen robin e Tij për veprat e tij të mira me diçka të ngjashme dhe nëse ai heq dorë nga diçka për hir të Allahut, Ai do ta kompensojë atë me diçka më të mirë se ajo.Pra, nëse ai ul shikimin dhe përmbahet nga shikimi i gjërave që Allahu i ka ndaluar, Allahu do ta kompensojë atë me ndriçim; ai do ta kompensojë atë për frenimin e shikimit të tij për hir të Allahut dhe do t’i hapë atij dyert e dijes, besimit dhe edukatës, të cilat ai i arriti vetëm me anë të dritës në zemrën e tij.
Marre nga: https://urtesi.al/dobite-e-uljes-se-shikimit-perballe-gjerave-te-ndaluara/
